سکھ چین سکون ونجا گئی ہے
تیڈی مونجھ جوانیاں کھا گئی اے
نہ بھالے کر او ولدا نئیں
توڑے پونویں مر او ولدا نئیں
ڈس گالھ اے تیز ہوا گئی اے
کوئی سکھ دا لحظہ آیا نئیں
اساں آپ کوں آپ ہنڈھایا نئیں
ساکوں تیڈی مونجھ ہنڈھا گئی اے
نوی رخ ڈکھلایا عرصہ تھئے
نویں خواب ءچ آیا عرصہ تھئے
ساڈی اکھ دیاں نندراں چا گئی اے
ویندی مونجھ ہے ماری مر گئے ہیں
مختیار لغاری مر گئے ہیں
تیڈے بعد قیامت آگئی اے
سئیں مرحوم مختیار لغاری
