سرائیکی غزل
اکھیں دی رونق سکون دل دا جڈاں گولیجے تیڈو آویجے
ایں سک سسی کوں سہاگ سیرھا پنل پویجے ت یڈو آ ویجے
سنڑیئسے کئی کئی نظارے ہوندن نظارے سارے اشارے ہوندن
نظر نظر توں لکا کراہیں نظر کریجے تیڈو آ ویجے
تیڈو آویجے جڈاں آویجے بیا کہیں دا کجھ نہ تھیویجے
اے دل دی ضد ہے جو اپنڑے کولوں نکھڑ ونیجے تیڈو آویجے
اے سارے سونڑ تاں سک دے نال ہن جے سک رکھیجے تاں ایں رکھیجے
ہنجوں دی سوہنڑی لطیف جہیں کئی غزل لکھیجے تیڈو آ ویجے
ہے ہر کہیں دی سمجھ وی اپنڑی ہے ہر کہیں دا ضمیر اپنڑاں
ضمیر پل پل ادب سکھنیدے ادب سکھیجے تیڈو آویجے
جنھاں دے ساجن قریب وسدائیں عجیب ہن او نصیب والے
تیڈے جو راہیں تے ٹر پوویجے نہ رہیں تھکیجے تیڈو آ ویجے
سئیں عبدالکریم ساجن صاحب
ساون مکدا ویندے کتاب وچوں
