وکهرا نگر ہے عشق دا ایندا خدا وکهرا ہوندے
سجدے قضا وکهرے تهیندن سجدہ ادا وکهرا ہوندے
توں وی لک لک ڈیہدا ہاویں
یاد تاں ہوسیا جهات پرانی
مونجه تیڈی وی تیڈے وانگوں
ڈیندی ہے خیرات پرانی
ٹالہیاں گالہیاں تر تر ڈیہدین بیریں بور توں جهریاں
اوہے آٹہئے پینگهاں پیندیاں لاہیں یاد کریندن
اساں ہمیشہ بدن دی قید اچ
ایں سک کوں ساکهی دے وانگ رکهنے
جیکر ہے رہنا مگرمچهیں وچ
جگر مراکهی دے وانگ رکهنے
ساجن وقت ہا جئیں ویلھے ہن قسماں لوک پلیندے
ہنڑ تاں قسماں رسماں بنڑ گئین ساون مکدا ویندے
