تونڑیں لکھ مانڑ مر گئے ہن اجاں ہک مانڑ باقی ہے
اجاں امید جیندی ہے اجاں ہک بانڑ باقی ہے
سمندر ہے سمندر وچ سمندر ہے سرے تئیں
سمندر پر پریں کائینی اے ہے اکھانڑ باقی ہے
نہ توں اوہو،نہمیں اوہو، نہ او تیڈے میڈے چہرے
تیڈی کملانڑ دے صدقے میڈا کملانڑ باقی ہے
توں شفقت کر محبت کر عنایت کر اساں تے توں
توں اتنا ڈس کیرھا تیں توں اجاں انجانڑ باقی ہے
ساکوں اشتر اہنڑی چھاں تے جیونڑ ڈے سدا جیویں
ساڈا بیا تاں کوئی کائینی میڈا ہک ترانڑ باقی ہے
