samiullah 1 - سمیع اللہ خان کے مجسمے سے ہاکی اور گیند چوری کرنےوالا گرفتار

بہاولپور میں اولمپیئن سمیع اللہ خان کےمجسمے سے ہاکی اور بال چوری کرنے اور مجسمے کے ساتھ نازیبا حرکت کرنے والے ملزم نعمان کو گرفتار کرلیا گیا۔

گزشتہ دنوں بہاولپور کے اسپتال چوک پر لگائے گئے اولمپیئن سمیع اللہ کے مجسمے سے ہاکی اوربال بھی چوری ہوگئی تھی۔
جس پر سوشل میڈیا پر شور مچ گیا، بہاولپور پولیس نے اولمپیئن سمیع اللہ خان کےمجسمے سے نازیبا حرکت کرنے، ہاکی اور بال چوری کرنے والا ملزم نعمان کو گرفتار کرلیا۔

پولیس کے مطابق ملزم کو سی سی ٹی وی کیمروں اور دیگر ٹیکنالوجی کی مدد سے پکڑا، اور ملزم نے اعتراف جرم بھی کرلیا ہے۔

بہاولپور پولیس نے بھی گرفتار ملزم کی مجمسے کے پاس ہتھکڑی لگی تصویر پوسٹ کی ہے، جس پر سوشل میڈیا صارفین کی جانب سے بے حد سراہا جارہا ہے۔

Leave a Reply

Your email address will not be published. Required fields are marked *